Thursday, December 8, 2022

PBBM, natalana nga mag-isyu sang executive order nga nagadula sang mandatory nga pagsuksok sang face mask sa indoor spaces

- Advertisement -

ILOILO CITY- Plano sang Pilipinas nga i-lift na ang mandatory nga pagsuksok sang face mask sa indoor spaces sa tunga sang amat-amat na nga pagtapos sang COVID-19 pandemic.

Ini ang ginpahayag ni Tourism Secretary Christina Frasco.

Suno kay Frasco nga natalana nga magapaguwa si President Ferdinand “Bongbong” Marcos Jr. sang Executive order nga himuon na lamang nga voluntary ang pagsuksok sang face mask sa indoor spaces sa bilog nga pungsod apang may pila lamang ka mga exceptions.

- Advertisement -

Ginhatagan pagtamod ni Frasco nga luyag ni Marcos nga ipakita sa bilog nga kalibutan nga bukas na ang pungsod kag handa na sa pagbaton sang mga turista kag mga Negosyo agud makaangkon sang oportunidad ang mga Pilipino nga makabawi sa kapierdihan  nga naangkon sang panahon sang pandemya.

Subongman, hugot gihapon nga gina-engganyo ang mga wala mabakunahan nga magsuksok sang face mask lakip na ang mga may comorbidities kag mga senior citizens.

Natalana naman nga dulaon sang Pilipinas ang iban pa nga health protocols para sa mga biyahero lakip na ang requirement sa pagpakita sa negative RT-PCR test result sa ila pag-abot sa pungsod.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,200SubscribersSubscribe

Latest Articles