Nagapanindugan ang Philippine Drug Enforcement Agency (PDEA) Region VI nga wala sang katapo ukon operatiba sa idalum sang ila ahensya nga imbolbado sa pag-recycle sang iligal nga droga.
Ini ang pahayag ni Atty. Bomrad Soc Abonado, Acting PIO sang PDEA 6 sa pagpakig-angut sang Radyo Bandera Iloilo.
Suno pa kay Abonado, ginakasubo nila nga may nagguwa nga isyu sa iban nga rehiyon nga ginapahayag 30 tubtob 70 porsiyento sang illegal drug recoveries ang ginahatag bilang reward sa mga informant apang tubtob wala ini mapamatud-an kag unverified ang mga alegasyon.
Dugang pa niya, nga ginasunod gid nila ang pagsulundan kag istirkto ini nga ginapatuman ilabi na nga nangin katapo man sang drug operatives sang una antes mangin director si Dir. Melvin Estoque.
Ginpahayag pa sini nga may mga body worn cameras, detalyado ang proseso sang mga drug buy bust operationkag may affidavit nga ginapirmahan ang mga nagaserbe witness.
Wala sang pagbag-o nga matabo suno pa kay Abonado kun magakomiter diri bangud nga ang ila katungdanan amo ang pagamat-amat kag gilayon nga pagdula sang iligal nga droga sa komunidad.
