ILOILO CITY- Magapadayon sa 2024 ang pagpatuman sang Philhealth sang 5% nga saka sa premium rate santu sa mandato sang Universal Health Care ukon UHC law magluwas lamang kon ipaiway liwat ni Presidente Ferdinand Marcos Jr.
Ginhimo ni Philhealth acting Vice-President for Corporate Affairs Rey Baleña ang pahayag apesar ginmandu sang damlag lang ni President Marcos ang suspension sang premium rate hike subong nga tuig halin sa 4% pakadto sa 4.5% kag subong man ang adjustment sang income ceiling gikan sa P80,000 padulong sa P90,000.
Ang natalana nga saka sa kontribusyon ang santu sa UHC law nga ginpirmahan sang 2019 ni sadto anay Presidente Rodrigo Duterte kon sa diin ginamandu sini ang pagpasaka sang Philhealth contribution tubtub maglab-ot ini sa 5% sa 2024.
Suno kay Baleña nga bangud sa suspension, kinahanglan nga maghimo sang adjustments ang Philhealth sa paghatag sang bag-o nga mga benepisyo nga natalana ipatuman subong nga tuig kasubong sang severe acute malnutrition package kag ang outpatient mental health package.
