Wednesday, August 17, 2022

Philippine National Police, luyag nga i-minimize ang problema sa droga sa idalum sang Marcos administration sa panibag-o nga stratehiya

- Advertisement -

Tinutuyo sang Philippine National Police nga untaton ukon i-minimize lang ang drug problem sa pungsod Pilipinas sa sulod sang anum ka tuig sa idalum sang Marcos administration paagi sa panibag-o nga stratehiya.

Suno kay PNP Director for Operations Police Major General Valeriano de Leon, kumpiyansa ang mga otoridad nga mahagan-hagan kag matapna pa ang problema sa droga ilabi na nga dako ang accomplishments sang kapulisan bangud sa programa sang tinalikdan nga administrasyon.

Nahibaluan nga ginkampanya sang Duterte administration ang pagtapna sang droga sa sulod sang tatlo tubtob anum ka bulan, apang ang “bloody drug war” ang nagresulta sa kamatayon sang linibo ka mga persona kag wala nalab-ot ang target.

- Advertisement -

Samtang, ginpahayag naman ni President Bongbong Marcos nga iya padayunon ang drug war apang sa iban nga pamaagi.

Suno naman kay de Leon, ang luyag nila nga matabo sa drug war amo ang pagfocus sa awareness, pag-monitor kag pag-edukar sa mga gin-rehabilitate antes i-balik sa ila komunidad.

Kompleto naman suno sa Heneral ang ila programa kag natalana nga i-presentar kay Secretary of the Interior and Local Government Benhur Abalos paagi kay PNP Officer-in-Charge Police Lt. General Vicente Danao Jr.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles