Tuesday, January 31, 2023

Pila ka mataas nga opisyal sang PNP, nagapamalibad na mag-sumiter sang courtesy resignation bangud sa personal nga rason suno sa PNP Chief

- Advertisement -

ILOILO CITY- Pila ka mga matag-as nga opisyal sang Philippine National Police ang nagpamalibad nga magsumiter sang ila courtesy resignatin bangud sa personal kag career nga rason.

Ini ang ginpahayag ni PNP Chief Police General Rodolfo Azurin Jr.

Ginpahayag ni Azurin nga naghiwat siya sang command conference kaupod sa mga colonels kag mga generals kon sa diin iya gin-discuss ang panawagan ni DILG Secretary Benhur Abalos para sa ila resignation.

- Advertisement -

Suno kay Azurin nga iya ginpaathag sa mga opisyal nga ang organisasyon sang PNP kag indi sila mismo personal ang nabutang sa kuwestyonable nga sitwasyon kag dapat i-prioritize ang interes sang organisasyon kag sunod ang ila kaugalingon nga interes kag sang ila pamilya.

Iya ginpahayag nga pila ka opisyal ang nagsiling nga indi sila magsumiter sang courtesy resignation bangud ini lang ang ila ginasaligan nga palangabuhian.

Sa pihak sang pila ka nagapakatig-a, ginpahayag ni Azurin nga may mga nagkomiter gihapon nga mga PNP officials nga mag-file sang ila courtesy resignation.

- Advertisement -

Para kay Azurin, indi magsobra sa lima ka opisyal sang PNP ang ginapatihan imbolbado sa illegal drug trade.

Suno sa iya, target sang PNP nga maka-submit na sang ila courtest resignation ang mga willing nga opisyal antis mag-abot ang Enero 31.

Paga-rebyuhon sang five-member committee ang resignatons sang mga police officers.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles