Nagreak ang pila ka mga mamahlidha sa mando sang Bureau of Fisheries and Aquatic Resources (BFAR) nga gina-dumilian ang pagbaligya sang pink salmon kag pampano sa mga wet markets kag supermarkets.
Nahibaluan nga ginkwestyon ni Sen. Raffy Tulfo kun ngaa mga magagmay nga vendors sang mga imported nga isda ang gina-painitan sa nasambit nga kasuguan.
Suno kay Tulfo, nagakalusot sa importasyon ang mga manggaranon nga restaurants kag hotels apang ang mga magagmay nga vendors ang gina-dumilian. Athag man suno kay Tulfo nga diskriminasyon ini batok sa mga magagmay nga fish vendors sa merkado.
Samtang, pabor naman si Sen. Grace Poe nga ipa-iway ang kasuguan kag dapat ini nga maamyendahan.
Suno naman kay Cavite Rep. Elipidio Barzaga nga dapat imbestigahan ang nasambit nga isyu.
Nahibaluan nga una na nga gina-paimbestigahan sang Office of the Ombudsman kun ngaa subong lang gin-patuman sang BFAR ang sa Fisheries Administrative Order No. 195 bangud tuig 1999 pa sang ini ang gin-pirmahan.
