ILOILO CITY- Nagsugod na ang Pilipinas kag Amerika sa pag-istoryahanay natuhoy sa posible kasugtanan sa pagtukod sang Nuclear plant apang ginpamilit sang Philippine Nuclear Research Institurte ukon PNRI nga bukas pa sila sa pagpakighambal sa iban nga pungsod.
Madumduman nga ginpahayag ni US Vice-president Kamala Harris sa iya pagbisita sa Pilipinas sang nakaligad nga semana ang “123 agreement” sa tunga sang Manila kag Washington nga magahatag sang legal nga balasehan sa pag-export sang American nuclear equipment sa Pilipinas.
Kalakip sa naghambal nga magabulig sa Pilipinas sa kinahanglanon nuclear ang South Korea nga may yara sang planta nga eksakto ang modelo sang yari sa pungsod.
Pila sa ginalantaw nga opsyon sang gobyerno ang France, China, kag Japan nga madugay na nga nagagamit sang Nuclear energy.
Apang ang South Korea ang ginapahayag pinakaaktibo kag nagtanyag nga buhion anag Bataan Nuclear Power Plant.
Sa Pihak sini, si Presidente Ferdinand Marcos Jr. man sa gihapon ang magadesisyon natuhoy diri.
