Pilipinas, naka-detect sang 81 ka omicron xbb kag 193 ka xbc sub-variants

Naka-detect sang 81 ka kaso sang CoVid-19 Omicron XBB kag 193 ka kaso sang XBC sub-variants ang pungsod Pilipinas, suno sa Department of Health.

Ginpahayag ni DOH officer-in-charge Ma. Rosario Vergeire nga ang 81 ka kaso sang XBB ang na detect sa duha ka rehiyon sang pungsod Pilipinas.

70 sa nasambit nga kaso ang nakarekober na, walo naman ang naga-paidalum sa isolation, samtang tatlo naman ang gina-verify pa.

Suno kay Vergeire nga base sa preliminary studies nga ang XBB sub-lineage ang nagapakita sang higher immune evasion ability kumparar sa BA.5. Kag ini ang gina-monitor man sang World Health Organization (WHO).

Samtang, ang 193 ka kaso sang XBC ang na detect naman sa 11 ka rehiyon. Sa nasambit nga numero, lima diri ang napatay, suno kay Vergeire.

176 naman ang nakarekober, kag tatlo ang napa-idalum sa isolation.