Pilipinas, padayon nga maga-file sang diplomatic protests batok sa China kun padayon man ang incursions sa West Philippine Sea

Padayon nga maga-file ang gobyerno sang Pilipinas sang diplomatic protests batok sa China kun padayon man ang nagakatabo nga incursions kag gina-alegar harassment sa mga Pilipino nga mangingisda sa West Philippine Sea.

Ini ang pahayag ni President Bongbong Marcos bisan pa sa verbal agreement nila ni Chinese President Xi Jinping.

Suno kay Marcos, ang dapat nga makahatag sang aksyon sa isyu amo ang Chinese government, bangud kun sa bahin sang Pilipinas, wala nagapadala ang gobyerno sang sakayan-pandagat sang Philippine Coast Guard sa mga baybayon nga indi sakop sang pungsod.

Nadumduman nga ginhisugtan nanday Xi kag Marcos nga i-raise ang “level of discourse bet”  sang duha ka pungsod sa “ministerial level” para sa madasig nga pag-address sa misunderstandings kag miscalculations sa gina-agawan nga teritoryo.

Apang, bisan pa sa agreement, padayon ang nagakatabo nga incursions sang Chinese sa West Philippine Sea.