Tuesday, January 31, 2023

Pilipinas, pagadepensahan sang Amerika batuk sa pag-atake sa West Philippine Sea

- Advertisement -

ILOILO CITY- Ginsulit ni US Vice President Kamala Harris ang pangako sang Amerika nga depesnsahan ang Pilipinas pananglitan makaangkon sang armado nga pag-atake sa West Philippine Sea.

Sa pagpakigsapol kay Presidente Ferdinand Marcos Jr. sa palasyo ang Malakanyang, ginhinambit ni Harris ang 1951 Mutual Defense Treaty nga balasehan agud pangapinan sang Amerika ang Pilipinas.

Ang 1951 Mutual Defense Treaty ang pinakamadugay nan ga defense-pact nga nagatuyo pabaskugon ang pagbuligay sa depensa kag seguridad sa tunga sang mga tropa sang Pilipinas kag Estados Unidos.

- Advertisement -

Ginpahayag man ni Harris nga ang relasyon sang Pilipinas kag US ang nakabase sa mutual commitments sa mga international rules kag ang pagpatigayon sini ang magahatag ligwa para sa kauswagan kag seguridad para sa tagsa ka pungsod kag rehiyon.

Personal naman nga ginpasalamatan ni Presidente Marcos si Harris sa pangako sang Amerika nga depensahan ang Pilipinas batuk sa anuman nga armado nga pag-atake sa West Philippine Sea.

Nagpasalamat man si Harris kay Marcos sa mainit nga pagbaton sa iya kag sa delegasyon sang US.

- Advertisement -

Nag-abot si Harris sa Pilipinas upod ang bana nga si Second Gentleman Dough Emhoff sang Domingo, ang una nga pagbisita sa sulod sang lima ka tuig sang isa ka mataas nga opisyal sang Amerika humalin sang magbisita si anay US President Donald Trump sa pungsod sadtong 2017.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles