Wednesday, August 17, 2022

Pito ka mga Philippine National Police chief contenders, ginhingadlan na

- Advertisement -

Ginhingadlan ang pito ka mga contenders para mangn masunod nga chief sang Philippine National Police sa idalum sang Marcos administration.

Lakip sa mga nadala amo sanday PNP officer-in-charge Lt. General Vicente Danao Jr., Deputy Chief for Administration Lt. General Rhodel Sermonia, kag Directorial Staff Chief Lt. General Manuel Abu.

Yara man sa listahan sanday PNP Area Police Command Northern Luzon head Lt. Gen. Rodolfo Azurin, Directorate for Operations chief Major General Valeriano de Leon, Criminal Investigation and Detection Group director Major General Eliseo Cruz kag National Capital Region Police Office chief Maj. Gen. Felipe Natividad.

- Advertisement -

Nahibaluan nga si Danao ang miembro sang Philippine Military Academy (PMA) Class of 1991, kag naga-serbe subong bilang officer-in-charge sang PNP kag natalana nga maga-reitre sa Agosto 10 tuig 2023.

Samtang si Sermonia naman ang PMA Class of 1989 kag nangin head sang PNP Directorate for Police Community Relations Group. Sya ang nagserbe man bilang director sang Central Luzon police, kag natalana nga maga-retire sa Enero 6 tuig 2024.

Si Abu ang nangin commander naman sang Area Police Command Eastern Mindanao kag nangin director sang Bangsamoro police kag natalana naman ini nga maga-retire sa Agosto 1 sini nga tuig.

- Advertisement -

Si Azurin ang nagserbe naman bilang director sang Police Regional Office 1. Lakip sa mga lugar nga sakop sini amo ang Ilocos Norte nga home province sang mga Marcos. Sya man ang nangin head sang Maritime Group kag deputy head sang PNP Directorate for Personnel and Records Management.

Nangin head naman sang Central Luzon police kag Firearms and Explosives Office si de Leon nga natalana naman nga maga-retire sa Mayo 7 tuig 2023.

Samtang, si Cruz ang nangin director naman sang Calabarzon police, Northern Police District kag Southern Police District kag natalana nga maga-retire sa Hunyo 14 tuig 2023.

- Advertisement -

Si Natividad ang nag-serbe naman bilang police chief sang Calabarzon, kag nangin commander sang Metro Manila police. Sya ang gin-assign man bilang special police assistant ni former DILG Sec. Eduardo Año. Nag-serbe man bilang police chief sang Bohol si Natividad kag gin-pangunahan ang pag-away sa Abu Sayyaf nga nag-atake sa nasambit nga probinsya sadtong tuig 2017. Sya ang maga-retire sa Agosto 23 tuig 2023.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles