ILOILO CITY- Pabor ang mayoriya nga mga botane sa Marawi City nga magtukod sang duha ka bag-o nga barangay sa nasambit nga siyudad matapos ang ginhiwat nga plebesito sang Marso 18.
Suno sa Commission on Elections (COMELEC), kabug-usa nga 948 ang nagboto sang YES samtang 2 ang NO para sa pagtukod ang Barangay Boganga II halin sa barangay Boganga.
Samtang 473 naman ang nagboto sang YES samtang 3 ang NO sa paghimo sang Barangay Daty Dalidigan halin sa barangay Sagonsongan.
Ginpahayag ni COMELEC chairman George Garcia nga ang voter turn out sa Sagonsongan ang naglab-ot sa 98.5% samtang 95.7% naman sa Boganga.
Una na nga ginpahayag sang COMELEC kag National Citizens Movement for Free Elections (NAMFREL) nga nangin malinong kag matawhay ang plebesito sa Marawi City.
