Sunday, December 4, 2022

Pondo sang office of the Vice-President nga P2.3 billion, gin-aprobahan sang senado

- Advertisement -

ILOILO CITY-Madasig nga gin-aprobahan sang Senate Committee on Finance ang ginproponer nga budget sang office of the Vice-President para sa 2023 nga nagabalor sang P2.3 Billion.

Nag-atubang mismo sa komite si VP Sara Duterte nga mainit nga ginbaton sang mga senador nga ginapangunahan ni Senate President Juan Miguel Zubiri.

Sa pag-umpisa pa lamang sang budget hearing, ginhingyo gilayon ni Zubiri sa mga kaupod nga senador nga gilayon aprobahan ang budget sang OVP bilang kortesiya kasubong sang ginhatag sang Senado sa mga anay bise-presidente.

- Advertisement -

Magluwas diri, ginpahayag ni Zubiri nga husto man lang ang ginapangayo nga budget ni Duterte para sa kaayuhan sang mga pumuluyo.

Wala na gin-usisa pa sang mga administration senators ang proposed budget sang OVP agud madasig ang pagtalakay kag gilayon man nga nagmosyon si Senador Bong Revilla nga aprobahan na ini gilayon.

Isa sa mga proyekto sang OVP amo ang pagpangita sang permanente nga opisina para sa Vice-Presidente nga ginpainan na nila sang inisyal nga P10 million kon sa diin isa sa ginalantaw nila amo ang Coconut Palace.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles