ILOILO CITY- Nagkomiter si Presidente Ferdinand Marcos Jr. sa pag-invest sa mga proyekto nga padayon nga magapa-ayo sa Sistema sang transportasyon sa Pilipinas bangud maka-benepisyo diri ang ekonomiya sang pungsod.
Ginpangunahan ni PBBM ang launching sang tunnel boring machine para sa Metro Manila Subway Project ukon MMSP sa Valenzuela City.
Suno kay Marcos nga ang paglunsar sang tunnel boring machine ang pamatuod sa commitment sang iya Administrasyon nga padayunon ang mga proyekto sang nakaligad nga administrasyon sa idalum sang programa nga “build better more”.
Ginpasalamatan ni Marcos ang gobyerno sang Japan kag ang Japan International Cooperation Agency (JICA) nga aktibo nga partners sa paghatag katumanan sang infrastructure programs sang pungsod ilabi lamang sa sini nga proyekto kindi bisan sa mga nagliligad pa nga mga tinuig.
Ang MMSP nga ginakilala bilang “Project of the Century” ang pinakauna nga underground mass trasit system sa Pilipnas, kon sa diin nagalaba ini sang 33-kilometros nga magahalin sa Valenzuela City padulong sa Ninoy Aquino International Airport Terminal 3.
Sa tion nga mangin operational, ang Metro Manila Subway ang sarang maka-akomodar sang tubtub 370,000 ka mga pasahero kada adlaw sa una nga tuig sini nga operation.
