Pagahiwaton bwas nga adlaw ang preliminary investigation sa kaso nga pagpatay batok kay confessed gunman Joel Escorial kag sa tatlo ka iban pa nga suspetsado sa pagpatay sa radio broadcaster nga si Percival Mabasa ukon kilala bilang Percy Lapid.
Las-10:00 bwas sa aga gintalana sang Department of Justice ang preliminary investigation kay Escorial, Israel Dimaculangan, Edmund Dimaculangan, kag sa isa pa ka persona.
Nahibaluan naman nga gindeklarar sang Philippine National Police nga nasolbar na ang kaso bangud nga natumod na ang mga suspek kag may nadakpan na.
Apang suno kay Southern Police District (SPD) director Police Brigadier General Kirby John Kraft nga nagapadayon ang ila imbestigasyon sa pagpangluthang kay Lapid sa Las Piñas City sang Oktubre 3.
