ILOILO CITY — Ginkilala bilang “adopted son” sang probinsya sang Camarines Sur si Presidente Ferdinand “Bongbong” Marcos Jr., nga baluarte sang iya closest rival sa 2022 elections nga si anay Vice President Leni Robredo.
Gin-anunsyo ni Camarines Sur governor Luigi Villafuerte subong nga Huwebes nga nagpasar sang resolusyon ang Sangguniang Panlalawigan nga nagadeklarar kay Marcos bilang adopted son sang probinsya.
Nahibaluan nga nagbisita sa Camarines Sur si Marcos para sa launching sang “Kadiwa ng Pangulo” outlet sa probinsya kag groundbreaking ceremony sang housing project.
Pangunahan man sini ang pagpanagtag sang P826.1 million nga balor sang interventions sa Bicol farmers.
Nahibaluan nga base sa data gikan sa 2022 elections, nakakuha lamang si Marcos sang masobra 93 mil ka boto sa Camarines Sur, samtang si Robredo ang nakakuha sang 870,965 votes.
