ILOILO CITY — Ginpasalig ni Presidente Ferdinand Marcos Jr. nga padayunon sang gobyerno ang mga wala natapos nga proyekto sang nakaligad nga administrasyon sa idalum sang iya nga termino.
Sa Youtube vlog sini, ginpahayag ni Marcos nga gin-aprubahan sang damlag lang sang gobyerno ang 194 “high-impact” infrastructure projects nga nagabalor sang P9 trillion, kun sa diin kapin 70 diri ang gin-propose sa nakaligad nga administrasyon.
Dugang pa sini nga luyag sang administrasyon nga mapaayo ang digital connectivity sang pungsod, flood control, irrigation, water supply, health, power, kag energy infrastructure.
Pahayag pa sang presidente nga gin-adjust man sang National Economic and Development Authority (NEDA) ang joint venture programs agud nga mas mangin “attractive” ini sa mga investors.
Nahibaluan nga nagadangat karon sa P13-trillion ang utang sang pungsod sang katapusan sang 2022 kun sa diin P9.21 trillion diri ang domestic borrowings samtang P4.21 trillion naman ang external nga utang.
