President Bongbong Marcos, ginahaylo ang mga Pilipino nga pilion nga lagawan ang mga local tourist destinations agud mapasanyog ang post-pandemic tourism

Ginpahayag ni President Bongbong Marcos nga ginatinguhaan sang national government nga mapasanyog ang turismo sang pungsod, rason ginahaylo sini ang tanan nga Pilipino nga mag-travel sa mga lokal nga lalagawan.

Suno sa iya ang turismo ang isa sa mangin yabi para mapasanyog liwat ang ekonomiya sang Pilipinas nga tuman nga naapektohan sang CoVid-19 pandemic.

Nahibaluan nga si Marcos ang yara sa syudad sang Bacolod para sa MassKara Festival kag sang tinalikdan nga mga inadlaw, nagtambong man ini sa Philippine Tourism Industry Convergence Reception sa Pasay City kag pagpasiga sang San Juanico Bridge.

Iya man gin-deklarar ang Oktubre 31 nga special non-working holiday agud may tyempo ang mag-pamilya nga maka-travel sa long weekend kadungan sang fiesta minatay.