Monday, December 5, 2022

President Marcos, indi kumbensido nga napatay sa natural nga kabangdanan ang middleman sa pagpatay kay Percy Lapid

- Advertisement -

ILOILO CITY- Indi kumbensido si Presidente Ferdinand “Bongbong” Marcos Jr. nga napatay sa natural nga kabangdanan sa sulod sang Bilibid ang gina-alegar middleman sa pagpatay sa broadcaster nga si Percy Lapid.

Ini ang pahayag ni Marcos kadungan sa pagpanginwala nga nagahipos siya sa kaso kag ginpahayag nga indi siya luyag magpahilabot sa trabaho sang mga pulis.

Dugang sini nga wala man siya sang direktiba sa mga pulis bangud nahibaluan na sang mga ini ang ila dapat himuon.

- Advertisement -

Ginhatagan pagtamod sang Presidente nga ginabantayan man niya ang developments sa kaso upod kay DOJ secretary Boying Remulla.

Madumduman nga napatay ang inmate nga si Jun Villamor pila ka oras matapos gintuad sang self-confessed gunman nga si Joel Escorial nga yara sa sulod ang Bilibid ang nagmandu kag nagbayad sa iya agud patyon si Lapid.

Ginpahayag ni Marcos nga iya ginhambalan ang mga otoridad nga padaluman pa ang pagpangusisa tubtub matumod ang motibo kag mastermind sa likod sang pagpatay kay Lapid.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles