Monday, December 5, 2022

President Marcos, target nga wala na sang pinoy nga magutuman sa anum ka tuig nga termino

- Advertisement -

ILOILO CITY- Siguruhon nga wala na sang Pilipino nga magutuman.

Ini ang ginpahayag ni Presidente Ferdinand “Bongbong” Marcos Jr. nga pinaka-katuyuan sang economic agenda sang iya administrasyon sa masunod nga anum ka tuig.

Sa interview ni anay Australian Prime Minister Kevin Rudd, ginpahayag ni Marcos nga apesar nga daw simple lamang nga katuyuan ang pagdula sang kagutom, apang nagakinahanglan ini sang daku nga pagpaninguha sa bahin sang gobyerno.

- Advertisement -

Ginpunto ni Marcos ang kaimportante sang ila partnership sa pribado nga sektor agud malab-ot ang mga handum sang administrasyon.

Gindugang pa sang Presidente nga ang pagpaayo sang productivity sa agrikultura kag pag-streamline sang burukrasya ang magasiguro sang mas manami nga serbisyo sang gobyerno.

Nahibaluan nga nagpangayo sang suporta si Marcos sa mga lideres sang nagkalain-lain nga pungsod sa United Nations General Assembly sang Setyembre 20, sa produksyon sang agrikultura kag food security nga isa sa mga ginpangako niya sang magpungko bilang Presidente .

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles