ILOILO CITY- Ginpirmahan ni Presidente Ferdinand Marcos Jr. ang executive order nga naga-aprobar kag naga-adoptar sang Philippine Development Plan (PDP) para sa 2023 tubtub 2028 suno sa Palasyo sang Malakanyang.
Nasaad sa executive order number 14 nga ang PDP nagatuyo nga ibalik ang Pilipinas sa “high-growth trajectory” kag labi sa tanan pasanyugon ang ekonomiya kag bag-uhon ang sosyedad padulong sa mauswagon nga sitwasyon.
Suno kay Marcos nga ini nga plano nagasaad sang framework sang development plan para sa Pilipinas lakip na ang tanan nga priority areas.
Dugang pa nga ginamanduan sila nga i-align ang ila budgetary kag department programs sa mga estratehiya kag aktibidad nga gintumod sa PDP 2023-2028.
Ang NEDA secretary ang ginahatagan sang otoridad sa pag-isyu sang memoranda, circulars ukon orders nga ginakabig importante sa pagpatuman sang PDP.
