ILOILO CITY- Nagpahayag sang kumpiyansa si Presidente Ferdinand “Bongbong” Marcos Jr. nga indi maka-experiensya sang recession ang Pilipinas kasunod sang report nga nagnubo ang numero sang mga Filipino nga wala sang trabaho.
Ginhatagan pagtamod ni Marcos nga humalin sang magsugod ang liderato, gina-prioridad sang iya administrasyon ang pagtuga sang trabaho para sa mga Pilipino.
Una diri, ginreport sang Philippine Statistics Authority ukon PSA nga nagnubo sa 2.24 million ang numero sang mga Pilipino nga wala sang trabaho sang Oktubre uko 4.5% halin sa 2.5 million nga nalista sang Setyembre ukon 5% nga unemployment rate.
Ginpat-od man ni Marcos nga nagahimo sang pamaagi ang gobyerno agud maghagan-hagan ang impact sa mga ordinaryo nga Pilipino sang mataas nga presyo sang nagapanguna nga balaklon.
