Monday, August 15, 2022

Presidente Rodrigo Duterte, gin-aprobahan na ang compensation para sa 2017 Marawi siege victims

- Advertisement -

Gin-pirmahan na ni Presidente Rodrigo Duterte ang layi nga magahatag sang compensation sa mga nabiktima sang 2017 Marawi siege, suno sa Malacañang.

Suno kay acting presidential spokesperson Martin Andanar, ang layi nga gin-pirmahan ni Duterte amo ang Republic Act No. 11696 ukon ang Marawi Siege Victims Compensation Act of 2022.

Ang nasambit nga layi ang magahatag sang compensation sa mga biktima nga nadulaan ukon nagub-an sang properties subongman ang mga pamilya nga napatay ang ila himata bangud sa “months-long siege” nga gintuga sang mga miembro sang Maute terrorist group, suno kay Andanar.

- Advertisement -

Ang mga tag-iya sang residential, cultural, commercial structures, kag iban nga properties nga tuman nga naapektohan sang kinagamo nga nalab-ot ang requirements ang entitled nga makabaton sang tax-free compensation gikan sa gobyerno.

Samtang, ang mga legal heirs ang makabaton naman sang compensation sang mga deceased owner, base sa Code of Muslim Personal Laws of the Philippines ukon ang Civil Code of the Philippines.

Ginpahayag man ni Andanar nga magatukod sang isa ka independent quasi-judicial body nga pagatawgon bilang Marawi Compensation Board nga pamunuan sang isa ka chairman kag walo ka miembro nga iga-appoint ni Presidente Duterte.

- Advertisement -

Samtang ang board naman ang ginabug-usan sang tatlo ka miembro sang Philippine Bar ukon mga Maranao lawyers nga naka-practice sang kapin lima ka tuig sa layi; isa ka licensed physician; isa ka Certified Public Accountant; isa ka educator; kag isa naman ka licensed civil engineer.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles