Lauman pa nga magasaka ang presyo sang firecrackers kag pyrotechnic devices sa Bulacan.
Nahibaluan nga ang nasambit nga lugar ang ginakabig bilang fireworks capital of the Philippines.
Suno kay Lea Alapide, presidente sang Philippines Pyrotechnics Manufacturers and Dealers Association Inc., ang presyo sang 16-shot aerial pyrotechnics ang may presyo sadto nga ₱950, apang sa subong nagadangat na ini sa ₱2,000.
Ginpahayag man ni Alapide nga mayor nga rason sa pagsaka sang presyo sang palupok amo bangud sa kakulang sang chemicals nga gina-usar sa paghimo sang fireworks. Kag ang lockdowns bangud sa CoVid-19 pandemic nga nagresulta sa late procurement sang chemicals sang manufacturers.
Nadumduman nga ginpahayag naman ni Gov. Daniel Fernando, head sang Pyrotechnics Regulatory Board of Bulacan nga ang natabo nga explosion sa chemical factory sa China sang tinalikdan nga tuig, ang isa sa mga rason sa kakulang sang raw materials sa subong.
Nahibaluan nga ang nasambit nga paktorya sa China ang major supplies sang local fireworks industry.
