ILOILO CITY- Posible magataas naman sa masunod nga bulan ang presyo sang Liquefied Petroleum Gas ukon LPG apang magapadayon naman ang pagnubo sang fuel pump prices sa masunod nga pila jka semana suno sa Department of Energy.
Ginpahayag ni DOE-Oil Industry Management Bureau Director Atty. Rino Abad nga ang mga bulan sang Nobyembre kag Disyembre amo ang panahon sang pagtaas sang presyo sang LPG.
Sa pihak sini, ginpahayag ni Abad nga daku ang posibilidad nga magapadayon sap ag-rollback ang presyo sang gatong sa masunod nga duha ka semana.
Base sa oil trading sang nakaligad nga lima ka adlaw humalin sang Nobyembre 21 tubtub 25, ang presyo sang diesel ang maganubo sang P3.90 tubtub P4.20 kada litro samtang ang presyo sang gasoline ang mahimo maganubo sang P1.20 tubtub P1.50 kada litro.
