Nagapadayon ang pagtaas sang presyo sang mga produkto nga indi sakop sang suggested retail price sa supermarket, suno sa gropo sang supermarket owners.
Suno kay Steven Cua, head sang Philippine Amalgamated Supermarkets Association, indi mahibaluan kun tubtob san-o ini matabo.
Lakip na diri ang mga delatas, condiments, noodles, habon, kag iban pa nga gamit sa sulod sang balay.
Nadumduman nga may pagtaas sang presyo sa iban nga produkto bangud sang oil price hikes tuga sang kinagamo sa tunga sang Ukraine kag Russia.
Nahibaluan man nga wala pa sang may ginhisugtan ang Department of Trade and Industry nga panibag-o nga dugang-presyo sa mga produkto nga may SRP kasunod sa panawagan sang mga mnufacturers nga mag-pataas sang presyo.
Suno naman kay DTI Undersecretary Ruth Castelo, wala nila gin-ipit ang price adjusments bangud lang sa State of the Nation Address (SONA) ni President Bongbong Marcos sa Hulyo 25.
