Presyo sang produktong petrolyo, maganubo sa ikaapat nga sunod-sunod nga semana

ILOILO CITY-Ginabanta nga maganubo sa ika-apat nga sunod-sunod nga semana ang presyo sang langis sini nga Martes.

Base sa oil monitoring sang Department of Energy nagapakita nga ang presyo sang diesel ang posible nga maganubo sang P3.20 tubtub P3.50 kada litro.

Samtang ang presyo sang gasolina maganubo man sang P2.60 tubtub P2.90 kada litro kag ang kerosene naman ang may daku nga buhin nga P4 tubtub P4.30 kada litro.

Ginalantaw nga ang mahina nga demand sa petrolyo sa China bangud sa zero-COVID policy sini amo ang kabangdanan sang pagnubo sang presyo sang produktong petrolyo.