Presyo sang sibuyas, ginalauman nga maganubo sa P120 kada kilo sa bulan sang Pebrero

ILOILOCITY- Ginalauman sang grupo nga Samahang Industriya ng Agrikultura ukon SINAG nga posible maganubo ang mga presyo sang sibuyas sa Pilipinas sang tubtub P120 kada kilo sa Pebrero.

Suno kay SINAG president Rosendo So, bunga man ini sang ginalauman nga pag-ani sang kapin 20,000 metriko tonelada sang sibuyas sang mga lokal nga mangunguma sa masunod nga bulan.

Ginpahayag pa ni So nga ang farm gate price sang sibuyas pagkatapos sang ani ang mahimo magnubo sa P80-P100 kada kilo kag mahimo mabaligya sang P120-P150 sa mga retail stores.

 Sang damlag lamang, gin-aprobahan na sang DA ang pag-import sabf 21,060 metriko tonelada sang sibuyas agud mapanubo kag mapunggan ang pagtaas sang presyo sini sa merkado.