Monday, August 15, 2022

Public Attorney’s Office, nag-pamatok sa gina-rekomendar nga liwat pag-usar sang Dengvaxia

- Advertisement -

Nag-pamatok ang Public Attorney’s Office  sa gina-rekomendar nga liwat pag-usar sang Dengvaxia bangud sa padayon nga pagsaka sang kaso sang Dengue sa pungsod Pilipinas sa diin ini ang ginakabig na nga “alarming” sang Department of Health.

Suno kay PAO chief Persida Rueda-Acosta, ang dengue vaccine ang indi pa makabig nga “safe” ilabi na nga gin-revoke sang tuig 2019 sang Food and Drug Administration (FDA) ang registration certificates matapos napaslawan sang Sanofi Pasteur, French drug maker, nga magsumiter sang post-approval requirements.

Ginapahayag man nin Acosta nga 166 ang napatay bangud sa bakuna nga gin-develop sang nasambit nga French drug maker, kag ini ang nakabase man sa autopsy finding sang PAO forensics team.

- Advertisement -

Samtang, suno naman kay Dr. Erwin Erfe, chief sang PAO forensic laboratory division, ang Dengvaxia vaccine ang makatuga sang adverse effects lakip na ang severe dengue.

Ginpahayag naman ni Dr. Edsel Salvana, miembro sang Department of Health’s Technical Advisory Group nga may iban nga pungsod ang naga-usar sang Dengvaxia, apang ang Pilipinas lang ang wala bangud sa mismo pag-revoke sang certificate of product registration.

Gindugang man ni Salvana nga wala naman sila sang may nakita nga peligro sa bakuna, magluwas sa “PR nightmare”.

- Advertisement -
Manilyn Abarro
Manilyn Abarro
Manilyn is a new breed of a journalist with diverse experience in news writing. The passion and enthusiasm she possesses make her a reliable person inside the newsroom. She is now one of the reporters of Radyo Bandera Iloilo Digital News Station.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles