ILOILO CITY — Ipatuman man sa pili nga mga ruta sa bug-os nga pungsod ang fare discount sa mga public utility vehicles (PUVs) nga iga-implementar sa National Capital Region (NCR) sa Abril.
Suno kay DOTr Undersecretary Mark Steven Pastor, ipatuman ini sa mga selected routes ukon sa mga may madamo nga pasahero nga nakasaad sa 2023 General Appropriations Act (GAA) provisions.
Tinutuyo sang amu nga programa nga magpakig-angot sa mga local governments sa pagtumod sa mga ruta nga mangin kabahin sang programa.
Dugang pa sini nga ang PUV fare discount ang posible maglawig sang anum ka bulan lamang bangud sa limitado nga pondo nga P1.285 billion sa idalum sang 2023 General Appropriations Act (GAA) kag P875 million sa idalum sang unprogrammed funds.
Nahibaluan nga ang PUV fare discount ang ginduso agud buslan ang libre sakay sa EDSA Bus Carousel nga nagtakop na sadtong Disyembre 31, 2022.
Suno kay Pastor, magabayad ang DOTr sa mga PUV drivers kag operators kada semana ukon kada duha ka semana sa idalum sang amu nga programa.
Magabalik sa P9 ang plete sa mga tradisyunal nga jeep kaangay sa pamasahe antes sang pandemya kag antes ginpatuman ang fare hike.
Sa mga modernized jeep naman, magabalik ini sa P11, samtang buhinan naman sang P3 tubtob P4 ang plete sa mga bus.
Ginatun-an naman sa karon ang rate sa mga UV Express.
