ILOILO CITY — Malipayon nga ginpakigbahin ni Presidente Ferdinand Marcos Jr. ang pagnubo sang mga nagareklamo angot sa text scams matapos nga ipatuman ang Sim Card Registration Act.
Ginpahayag sang presidente nga nagnubo ang mga reklamo nga nagakabaton sang National Telecommunications Office.
Nahibaluan nga nagpahamtang ang National Telecommunications Office sang online complaint center batok sa nasambit nga scams.
Una na nga ginpahayag ni Marcos nga gamiton nila ang amu nga layi agud masabat ang mga krimen nga nagakatabo bangud sa paggamit sang SIM Cards.
Sa pihak sini, pila ka mga progresibo nga grupo kag data privacy advocates ang nagkwestyon diri bangud sa isyu sang seguridad.
Madumduman nga Oktubre 2022 sang ginpahayag sang Cybercrime Investigation and Coordinating Center nga nagadangat sa milyon ka dolyares ang nagakadula sa mga Pilipino bangud sa text scams.
