Security preparation para sa pinaka-una nga State of the Nation Address ni PBBM, yara na sa final stage

Yara na sa final stage sang preparasyon ang Presidential Security Group (PSG) para sa pinaka-una nga State of the Nation Address (SONA) ni President Bongbong Marcos sa Hulyo 25 sa Batasang Pambansa.

Suno kay PSG Commander Col. Ramon Zagala, padayon ang ila pagpakig-angot sa Philippine National Police (PNP), Armed Forces of the Philippines (AFP), kag Bureau of Fire Protection (BFP) agud masiguro nga mangin malinong ang sitwasyon sa adlaw sang Lunes.

Ginpahayag man ni Zagala nga maga-deploy sila sang bastante nga personnel agud masiguro man ang proteksyon indi lang ni Marcos kag sang first family kundi sang tanan nga magatambong sa SONA.

Samtang, wala naman sang may nabaton nga impormasyon ang PSG angot sa posible pamahog sa SONA ni Marcos.