Ginalauman ni Senator Grace Poe nga magasugod ang Senate investigation natuhoy sa power outage nga nangin tunaan sang aberya sa mga flights sa Ninoy Aquino Airport sang New Year’s Day, sa diin naapektuhan ang linibo ka mga pasahero.
Ginpahayag ni Poe nga ginpahanugutan ang mga komitiba nga magpatigayon sang hearings apisar nga na-adjourn na ang session.
Gin-anunsyo sang Senador nga magahiwat sang hearing sa Enero 12.
Ginpahanugutan man ni Poe ang Department of Transportation (DOTr) kag Civil Aviation Authority of the Philippines (CAAP) nga una nga ibalik sa normal ang operasyon sang main airport sa Pilipinas antes nga magpatigayon sang imbestigasyon.
Dugang pa niya, sa nasambit nga tion, wala na sang rason ang mga executives nga indi magtambong.
