Monday, December 5, 2022

Senado, ginasigahum nga mapirmahan ang pondo para sa tuig 2023 antes mag-paskwa

- Advertisement -

Natalana nga magahiwat sang marathon hearings ang Senado tubtob sa ikatatlo nga semana sang Nobyembre agud matapos ang deliberasyon sang ginaproponer nga ₱5.268 trillion nga pondo para sa tuig 2023 sa tuyo nga mapasar ini bilang laye antes ang paskwa.

Sa ginpatigayon nga press conference, ginpahayag ni Senate President Juan Miguel Zubiri nga igapa-iway sang senado ang iban nga committee hearings agud nga maka-focus sa pagtuon sa ginaduso nga pondo sa tuig 2023.

Suno kay Zubiri, igapa-iway man ang tanan nga Commission on Appointments hearings tubtob sa Nobyembre 23.

- Advertisement -

Nagalaum man si Zubiri nga maaprubahan na sa ikaduha nga pagbasa sa Nobyembre 21 ukon 22 kag iga-ratify antes mag-Nobyembre 30.

Matapos nga mapasar sa senado ang version sang budget bill, makatingub ang bicameral conference committee agud nga ma-reconcile kag makadihon sang pinal nga version sang gina-propose nga spending plan agud isumiter kay Presidente Ferdinand Marcos, Jr. para iya pirmahan.

Nahibaluan nga na-aprubahan sang House of Representatives ang version sang ila proposed nga 2023 budget sang Setyembre 28.

- Advertisement -

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles