Senate President Juan Miguel Zubiri, luyag nga sakaan sang P150 ang daily wage sang mga nagatrabaho sa pribado nga sektor

ILOILO CITY- Nag-file si Senate President Juan Miguel Zubiri sang hagna nga nagatuyo pasakaan sang P150 ang daily wage sang mga nagatrabaho sa pribado nga sektor agud mapahagan-hagan ang impact sang nagataas nga inflation.

Suno kay Zubiri nga kinahanglan mahatagan man sang ginatawag nga living wage ang mga trabahador sa pribado nga sektor.

Una diri, ginduso man ni Zubiri ang paghatag sang one-time inflation assistance para sa mga empleyado sang Senado.

Sa manubo nga panalgan, ang Makabayan bloc ang nagfile man sang kasubong nga hagna nga nagaduso sang P750 across the board increase sa daily wage sang mga mamumugon sa pribado nga sektor.