Tuesday, January 31, 2023

Sige-sige nga mutation sang COVID-19, lauman suno sa DOH

- Advertisement -

ILOILO CITY- Lauman na sang mga Pilipino nga maga-sige-sige ang mutation kag pagtuhaw sang nagkalain-lain nga lineage sang COVID-19 sa maabot pa nga panahon kag kinahanglan nga matun-an sang tanan nga mangabuhi kaupod sini nga may bug-os nga paghalong sa ila ikaayong lawas.

Ini matapos matumod liwat nga yara na sa Pilipinas ang Omicron subvariant BQ.1 nga ginapahayag nagadulot sang panibag-o nga pagtaas sang mga kaso sa Estados Unidos kag sa iban nga bahin sang Europa.

Ginpahayag ni DOH Officer-in-charge Maria Rosario Vergeire nga natural nga magatuhaw ang mga bag-o nga variants kon mag-sige-sige ang transmission sini kag ang pinakaepektibo nga himuon sang tanan amo ang paglimita sang paglapta sini pinaagi sa pagpakusog sang proteksyon sang mga kaugalingon kag mga establisimiento.

- Advertisement -

 Gindugang pa ni Vergeire nga dapat mainsindihan na sang publiko ang sahi ukon abilidad sang virus kag indi lang magsalig sa pagbalewala kon malatnan ukon indi kon naganubo ang kaso.

Liwat niya nga ginsulit nga nagapabilin sa “low risk” ang healthcare utilization sa pungsod sa pihak sang bag-o nga subvariant kag handa sa tanan nga tion pananglitan may daku nga pagtaas sa mga bag-o nga kaso.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,340SubscribersSubscribe

Latest Articles