SSS kag GSIS, magapaguwa sang kabug-usan nga P33 billion para sa pension kag holiday benefits subong nga Disyembre

ILOILO CITY- Gin-anunsyo sang Social Security System ukon SSS kag Government Service Insurance Systsm ukon GSIS nga magapaguwa sila subong nga bulan sang 13^th month kag Christmas pensions nga nagabalor sang P29.74 billion kag P3.35 billion.

Ang una nga batch sang 3.3 million nga SSS pensioners ang makabaton sang ila pension sa una nga semana sang Disyembre samtang ang ikaduha nga batch mabaton sa Disyembre 4.

Suno kay SSS President kag Chief Executive Officer Michael Regino nga ang kantidad nga mabaton sang mga pensioners ang katumbas sang ila monthly pensions.

Samtang ginpahayag naman  ni GSIS President kag General Manager Wick Veloso na ang mga GSIS pensioners ang magabaton sang kantidad nga katumbas sang ila isa ka bulan nga pension.