ILOILO CITY — Ginpanubo sa Alert level 1 gikan sa Alert level 2 ang status sang Bulkan Mayon kaina sang aga suno sa Philippine Institute of Volcanology and Seismology (Phivolcs).
Nahibaluan nga ang Alert level 1 ang pinakamanubo sa 5-tier alert system sang Mayon Volcano, nga nagapatimaan sang “low-level unrest with a diminished likelihood of eruption.”
Ang nakaligad nga status sini nga Alert Level 2 ang nagakahalugan naman nga may yara sang moderate level sang unrest nga posible makatuga sang eruption.
Ini ang gin-anunsyo sang Phivolcs kadungan sang pagpakita sang bulkan sang steady decline sa monitored parameters sini humalin sang Enero sini nga tuig.
Apang dapat man tandaan nga ang amu nga downgrade ang wala nagakahulugan nga nag-untat na ang unrest.
Madumduman nga ulihi nga naglupok ang Bulkan Mayon sang 2018 nga nag-apekto sa kapin 80,000 ka mga residente.
Suno sa Phivolcs, isa ini sa 24 ka mga aktibo nga bulkan sa Pilipinas.
