Status sang Bulusan Volcano, ginpasaka sa Alert Level 1 suno sa PHIVOLCS

Ginpasaka sang Philippine Institute of Volcanology and Seismology (Phivolcs) sa Alert Level 1 ang status sang Bulusan Volcano.

Ini bangud sa “state of low-level unrest” sang nasambit nga bulkan.

Nahibaluan nga nakarekord ang Bulusan Volcano Network sang 126 weak kag shallow volcanic earthquakes humalin sang Martes.

Na obserbahan man ang iban nga unrest parameters, lakip na ang ground deformation, increased volcanic carbon dioxide concentrations, kag on-ground reports sang sulfurous odor emissions.

Sa idalum sang Alert Level 1, ginadumilian ang publiko nga magsulod sa 4-kilometer-radius permanent danger zone sang Bulusan Volcano.