Sunog, naglamon sang mga pamalay sa parañaque city isa ka adlaw pagkatapos sang paskuwa

ILOILO CITY- Isa ka sunog ang nagluntad sa residential area sa Barangay San Dionisio sa Parañaque City kaina sang kaagahon.

Ang nasunugan nga lugar amo ang isa ka compound malapit sa Tramo Uno kag Tramo Dos kon sa diin nag-umpisa ang sunog alas 2:30 sang kaagahon kag naglab-ot sa fifth alarm.

Natigayon nga ma-control ang kalayo alas 6:14 na sang aga.

Kapin sa 100 ka mga balay nga kalabanan nahuman sa light materials ang ginlamon sang kalayo kag kabug-usan nga 160 ka ka pamilya ang naapektuhan.

Ginpahayag nga antis ang kalayo, may nabatian nga lupok ang mga pumuluyo halin sa mga apektado nga mga pamalay.

Ginabanta sang fire officials nga kapin sa 400,000 ang natuga nga kahalitan sang nasambit nga sunog.