Supply sang karne sang baboy para sa Paskuwa, bastante suno sa DA

ILOILO CITY- Bastante ang supply sang karne sang baboy para sa karon nga holiday season.

Ini ang ginpasiguro sang Department of Agriculture ukon DA angut sa nagahilapit nga Paskuwa.

Ginpahayag ni DA deputy spokesperson Rex Estoperez nga mas ginapili sang mga konsumidor ang pagbakal sang preska nga karne kabangdanan nga ang mga manugbaligya lamang sang frozen meat ang naga-alang-alang sa pagpaguwa sang bulko sang ila supply.  

Subong man, iya ginpasiguro sa publiko nga wala sang shortage sa karne ilabi na sa palaabuton nga paskuwa.

Suno sa DA nga nagatutok karon ang gobyerno sa pagpadamo sang live hog production sa pungsod matapos anum ka rehiyon ang naigu sang African Swine fever.