Supply sang lokal nga ahos, ginakulang naman ang supply suno sa Department of Agriculture

ILOILO CITY- Ginreport karon sang Department of Agriculture ukon DA nga may kakulang man sang supply sang lokal nga ahos sa tunga sa nagapadyon nga krisis sa sibuyas sa Pilipinas.

Suno sa DA nga kalabanan sa mga merkado ang nagabaligya lamang sang imported nga ahos bangud limitado ang supply sang lokal nga ahos.

Suno sa DA region 1 nga gamay na lamang ang nabilin nga supply sang lokal nga ahos kag ang stock sa cold storage ang indi na makaigo sa kinahanglanon sang pungsod.

Bisan sa Kadiwa Stores, lunsay imported nga ahos ang ginabaligya sa balor nga P80 kada kilo.