ILOILO CITY- Ginpasaka na subong nga aga sang Philippine National Police kag National Bureau of Investigation sang kaso batuk kay suspended Bureau of Corrections ukon Bucor Chief Gerald Bantag kag iban pa may kaangtanan sa pagpatay sa broadcaster nga si Percival Mabasa ukon Percy Lapid.
Ginpaidalum sa preventive suspension si Bantag sang nakaligad nga Oktubre kasunod sang kamatayon sang gina-alegar middleman nga si Jun Villamor nga kilala man bilang Cristito Villamor Palania sa New Bilibid Prison.
Siya man ang kalakip sa 160 ka mga personalidad nga ginakabig ersons of interest sang kapulisan sa pagpatay kay Lapid.
Samtang, ginpahayag sang damlag lang sang self-confessed gunman nga si Joel Escorial nga isa ka certain Bantag ang nagmandu sa pagpatay kay Lapid.
Subongman, wala ginhinambit ni Escorial kon sin-o nga Bantag ang iya ginatumod, apang si Gerald Bantag ang director sang Bucor sadto nga tion.
