Team Filipinas, nakuha ang kampeonato sa AFF Women’s Championship 2022 matapos ang 100 years

Matapos ang nakaligad nga 100 years, maragtason nga nakuha sang Team Filipinas ang kampeonato sa AFF Women’s Championship 2022 nga ginhiwat sa Rizal Memorial Stadium.

Apang, antes nakuha ang kadalag-an, gindagdagan pa sang yellow card ang Team Filipinas samtang kapila naman ka beses nga ginhatagan sang free kick kag corner kick ang Team Thailand.

May pila naman ka tensyon nga natabo sa tunga sang mga players sang duha ka pungsod.

Apisar sa pila ka mga mabudlay nga gin-agyan sang Team Filipinas, ila sa gihapon ginbakbakan ang Team Thailand sa diin sa una pa lang nga quarter sang hampang, naka-goal na ang Pilipinas paagi kay Jessica Cowart, samtang sa tunga naman sang quarter naka-second goal si Katrina Guilluo kag naka-3^rd goal naman sa last quarter si Sarina Bolden.

Nagtakop ang hampang sa score nga 3-0 pabor sa Team Pilipinas.

Samtang, gindayaw naman sang mga football fans si Olivia Mcdaniel ang goalkeeper sang Team Filipinas bangud sa nangin agresibo sini nga performance sa diin wala nya ginhatagan sang kahigayunan ang mga Thai players nga makapasulod sang bola sa net sang Team Filipinas.