ILOILO CITY — Nagnubo ang teenage pregnancy sa mga Pilipino nga naga-edad 15 tubtob 19-anyos halin sa 8.6% sang 2017 sa 5.4% sini nga 2022 suno sa Philippine Statistics Authority (PSA).
13.3% diri ang 19-anyos, 5.9% ang 18-anyos, 5.6% ang 17-anyos, 1.7% ang 16-anyos kag 1.4% ang 15-anyos.
Santu sa PSA, 0.4% sa mga nagbulusong ang nahulugan.
Samtang, nagapakita man sa datos sang PSA nga mas mataas ang teenage pregnancy sa mga rural areas nga yara sa 6.1% kun ipaanggid sa 4.8% sa urban areas.
Nakabalhag sang pinakamataas nga porsyento amu ang Northern Mindanao nga yara sa 10.9%, ginasundan sang Davao region nga yara sa 8.2%, Central Luzon nga yara sa 8.0%, kag Caraga nga yara sa 7.7%.
Ang Ilocos region kag Bicol region ang nakarekord sang pinakamanubo nga porsyento nga yara sa 2.4%.
Dugang pa sang ahensya nga 5.3% ang nakatapos sang grade level 7 tubtob 10, 4.8% ang nakatapos sang grade level 11 tubtob 12, kag 1.9% ang nakatungtong sa college level.
Kabug-usan nga 27,821 ka mga kababainhan nga naga-edad 15 tubtob 49 halin sa 30,372 sample households ang gin-interview sang PSA sang 2022.
