ILOILO CITY — Nagsugod na ang closed-door proceedings sa padayon nga pag-absent ni Negros Oriental 3rd District Rep. Arnolfo Teves sa legislative sessions bisan pa sang advice ni Speaker Martin Romualdez sa iya nga magpauli na ini sa pungsod.
Nahibaluan nga gina-angot si Teves sa kamatayon ni Negros Oriental Governor Roel Degamo.
Gin-anunsyo sang Kamara paagi sa website sini nga maga-convene subong nga Miyerkules ang Committee on Ethics and Privileges sa pagpamuno ni COOP NATCCO party-list Rep. Felimon Espares agud talakayon ang absence without leave ni Teves sa House of Representatives kag wala sang nagakaigo nga travel authority.
Suno kay Espares, dapat nga magtambong sa session ang miyembro sang Kamara.
Nahibaluan nga ang Ethics committee proceedings ang masami ginahiwat nga closed doors.
Depende sa desisyon sang mga miyembro, pwede irekomendar sang panel ang suspension, expulsion kag pagka-drop sang miyembro.
Ginpasiguro naman sini nga magasunod ang panel sa due process, kag pahibaluon man sang committee ang respondent sa desisyon sini.
Madumduman nga una na ginpahayag ni Teves nga ang iya delay sa pagpauli ang bangud sa iya nga kahangawa man sa iya nga seguridad.
