ILOILO CITY- Gin-abi-abi sang Trade Union Congress of the Philippines (TUCP) ang hagna ni Senate President Juan Miguel Zubiri nga nagatuyo pataasan sang P150 ang minimum wage sang mga trabahador sa pribado nga sektor.
Suno kay TUCP Representative kag Deputy speaker Raymond Democrito Mendoza nga ang nasambit nga ginaduso nga adjustment ang kinahanglanon na gid sang mga mamumugon.
Una na nga nagpaandam si Zubiri nga mapilitan ang mga Pilipino nga magtrabaho sa luwas kon mapaslawan ang gobyerno nga pataasan ang minimum wage.
Suno kay Zubiri nga ang daily wage sa Metro Manila lamang ang kapin $10 per day samtang sa iban nga pungsod kasubong sang Estados Unidos, ang rate amo ang $10 per hour.
Ginpahayag naman ni Senador Jinggoy Estrada, chairman sang Senate labor committee nga dapat mabalanse ang interes sang mga trabahador kag mga employers agud masiguro ang job preservation ilabi na nga padayon sa gihapon na nagatinguha ang ekonomiya sang pungsod nga magabalik sa pre-COVID-19 pandemic level.
