Narekober ang pila ka tul-an sang tawo sa excavation site sa compound sang Department of Justice sa Padre Faura, Manila, las-3:00 sini nga hapon.
Nahibaluan nga ang excavation ang para sa ginatukod nga new DOJ library building.
Suno naman kay Justice Secretary Jesus Crispin Remulla nga ila iga-examine ang nakit-an nga mga tul-an upod ang National Bureau of Investigation.
Ginpahayag naman ni DOJ Undersecretary Brigido Dulay nga may na retrieved pa ang mga otoridad sang “whole skull and fragments” sa sulod sang compound, apang wala na naghatag sang dugang pa nga detalye si Dulay kag gintugyan na sini ang examination sa NBI Forensic Division.
“Mahirap mag-speculate (it is difficult to speculate)… We will wait for the investigation,” suno kay Dulay.
“Kinakausap namin ang NBI (we are talking with the NBI). We want the report from them as quickly as possible,” dugang pa sini.
