Masobra isa ka million nga international travelers ang nagpadulong sa Pilipinas, sa una nga tatlo ka bulan sang tuig 2023.
Suno kay Department of Tourism (DOT) Secretary Christina Frasco, napanan-aw sang ahensya ang total recovery sa tourism sector sa diin 1,152,590 ka international tourists ang nagbisita sa pungsod, as of March 15, 2023.
Sa ginhiwat nga National Tourism Development Plan (NTDP) 2023-2028 Tourism Stakeholders’ National Summit sa Manila, ginpahayag ni Frasco nga ang sa sulod sang tatlo ka bulan sa sini nga tuig, masobra isa ka million na ang gabisita sa Pilipinas.
Dugang pa niya, ini nagapakita nga nakarekober na ang pungsod sa patag sang turismo kag ginalauman nga malapawan pa ang target nga 4.8 million nga international arrivals sa sii nga tuig.
