ILOILO CITY- Magakinahanglan sang dugang nga P46 Billion pesos nga pondo para sa pagpatuman sang Universal pension para sa 7.9 Million nga mga senior citizens ukon ang mga naga-edad 60-anyos pataas sa bilog nga pungsod.
Ini ang ginpahayag sang Department of Budget and Management ukon DBM matapos ginduso nga hatagan sang P1,000 nga bulanan nga social pension ang tanan nga senior citizens kag indi lamang ang mga indigents nga mga tigulang.
Ginpahayag naman ni Representative Mikaela Suansing sang Nueva Ecija nga isa sa mga author sang hagna para sa universal social pension para sa senior citizens nga ang dugang nga P46 Billion pesos nga budget para sa nasambit nga katuyuan ang feasible.
Base sa record sang DSWD nga ginsumiter sa House panel nga ang numero sang senior citizens nga sakop sang P1,000 nga monthly social pension ang yar ana sa kapin apat ka milyon samtang kapin naman sa 500,000 ang nagahulat kag ginalauman nga mangin eligible.